مجلة ينابيع الادب الثقافيه
غدر وخيانه
معقوله تطلع مجنونه
بتفصل للصوره الباهته
على الحيطه
توب لائق بالراجل الصالح
يجنابك يا عظمتك
ده متصور ادام الناس عريان
وسط الأهل قالع أخلاقه
وكيانه
متبرأ من إحسانه وعبادته
وقيامه
ساب الدنيا و بيجرى ورا
نزواته
وحياته تلاهى و تباهى
ولعب قمار
بس قمار مطلوب
بخداع وكلام معسول
مأمور يصطاد الساقط والحامض
ويبيع الشارى
ويوانس مع أعداءها ويدور على
داءها وألمها ويدوس
و يذيد القرص و العض والطعن
لحد ماتصرخ
وهيا فى الأصل أبيه و متربيه
و بتحافظ جبرا على البرواز
حتى لو جواه صوره مكسوره
و مشقوقه نصين
ما هو فرض عليها لزوم الشكل العام
أنه يكون موجود
مخمور أو مسجون أو طماع و انانى
بس كيانى
الاصل بيوجع صاحبه أحيانا
و يسقيه المر عصير
معقوله تصر تكون مجنونه
.قويه وعفيه و تصد الكل
إنما من جوه مطحونه و مصدومه
ازاى هاتواجه الظلم ويا الذل
قصائدها فريده من نوعها
وتشوف فيها دموعه مخفيه
إنما تتحس
وهيا بتتسند على حيطه لأجل
ما تكمل
فى الأصل هيا الصح ومجنونه
وجنانها طبيعى من بيتها
معاناتها طبيعى بمقياس العصر.
والعصر هو غياب الأصل
و كتير منا مجبر أنه يزوق فى حياته
لأجل ما تكمل الصوره
و نوصل
لنهاية الرحله وناخد ويانا
أوجاعنا واحزانا
وتفضل الصوره سليمه
والبرواز منور على الحيطه
محمد العليمى
تعليقات
إرسال تعليق